| marie's profilemeow~~PhotosBlogLists |  Tools  Help |
|
meow~~December 11 囝囝八個月啦~~唔經唔覺.. 阿仔已經八個月人仔啦..
做媽咪既我好多時都冇update 我個blog.. keke.. 懶嘛..
而且家下工人開始個個星期六都要放假..
阿仔星期六又要返baby gym.. 都幾busy..
阿仔家下開始食一餐粥仔.. 其他時間都係奶..
因為唔夠人奶.. 已經開始mix 奶粉啦..
人奶既產量仲慢慢少.. 家下只係足夠佢日頭食2餐, 夜晚1至2餐, 其他時間都係補奶粉..
老公又唔多想我繼續餵人奶.. 而且阿仔食左奶粉個樣'bu' 左d..
其實我想keep住可以俾到人奶阿仔.. 唔理多少.. 有好過冇..
希望keep 到啦..
阿仔星期六已經上o左2堂啦.. 2堂佢都好開心.. 佢最鐘意係打鞦韆...
第一次已經唔驚.. 第二次仲腳fing fing 添... 想睇vedio? 去阿仔個blog 睇啦..
係時候upload 阿仔d 近照啦..
September 12 阿囝5個月啦~~唔經唔覺阿囝已經5個月人仔啦..
佢呢個月最大既變化就係已經出左2隻牙仔同埋成鬼日轉身..
加打側身食住手指瞓覺..
佢打側身瞓覺真係好似大人咁..
希望佢條頸仔快d 硬同埋識得坐啦..
最最最最重要都係佢健健康康啦..
呢個月阿囝經歷左佢人生有時以來最最最慘痛既一個下午..
就係慘敗係1個姐姐同1個哥哥既手上..
可憐既啫哩仔因為唔習慣太noise 同太active 既細路..
唯有用哭聲申訴佢既不滿...
無奈我只有用雙手來回答佢既訴求...
August 10 阿仔聽日就4個月啦.. 唔經唔覺阿仔就快4個月啦..
由佢初初出世到家陣.. 佢真係唔同左又大左好多..
手手腳腳開始係咁郁..
以前佢只係識放手指公入口.. 家下佢八隻手仔一齊放入去...
可惜每晚返到屋企都八點幾九點..同佢相處既時間唔多.. 返到去佢通常都會瞓左.. 朝早我又趕住返工..
好多時只係晚上餵佢先可能睇真d 佢個樣..
最開心o既係有時抱住佢而佢又扭眼瞓果陣..
佢會ee erk erk 咁好似想同你講o野咁..
見到佢咁o既樣真係好sweet好開心...
e.呢度邊度o黎o家.. 天殘腳.. 我妻~~ July 17 放低阿仔返工的日子 第十九日 多晴小雨尋日上午去o左健康院聽talk.. 個talk 係講 4-6個月 bb 既..
係個talk入面.. 姑娘係咁show d 玩具出o黎.. 話可以啟發bb, 幫助bb 腦部發展..
聽完之後諗諗下好似冇買過玩具俾阿仔..
攪到我即刻去沙田買番d 俾佢..
買下買下.. 買多好多..
 希望佢鐘意啦..好彩bb仔既專注力唔係好強, 好多野都係玩一陣就唔玩..
買左咁多玩具可以輪流同佢玩... hohoho~~
July 13 放低阿仔返工的日子 第十七日 放晴阿仔又睇醫生啦...
話說上星六黃昏阿仔食完奶去poo poo 果陣, 發覺佢d poo poo 有d 血絲..
 好驚呀.. 咁就即刻帶左佢去睇醫生..醫生話可能食左d 細菌(因為佢勁食手指), 叫我再睇多一二日再有冇血絲.. 佢話呢d case 都唔會俾bb 食藥...
好彩第2日佢d poo poo 正常番jar.. 如果唔係一定嚇死..
星期一打去問愛嬰熱線d 姑娘.. 佢話可能我食o左d 野阿仔敏感喎..
不過我呢排食o既野都冇乜特別.. 只係飲o左幾口變壞o左o既奶啫..
見佢家陣都冇事都冇咁驚...
 前日岩岩係阿仔3個月既大喜日子.. 佢朝早好開心咁轉左少少身俾我睇呀..
攪到我幾唔捨得返工呀.. 其實佢再前一晚已經轉o左一次o家啦..
可惜我出o左街睇唔到.. 估唔到佢都好錫我.. 第2朝做番俾我睇..
 雖然未真係轉身.. 只係打側o左個人... 我都開心到不得了..
希望阿仔健健康康同埋快d 大啦...
July 05 放低阿仔返工的日子 第十一日 時晴時雨因為返o左工實在太busy 啦..
又要pump 奶.. 又要趕返屋企見阿仔..
自己既時間冇哂...
返o左咁多日工.. 差唔多朝朝返到公司desktop 見到阿仔張相都眼濕濕..
第一日返工梗係唔駛講啦.. .. 出門口果陣已經眼濕濕唔捨得阿仔啦..
家下每日放o左工即刻返去..所以好多公司o野都未做得哂..
返左o工, 我對阿仔既機會少左.. 工人同奶奶對佢既機會多左好多..
我成日驚阿仔唔認得我呀.. 好唔捨得阿仔呀~~~
佢就o黎3個月啦.. 對比番第一日(4月11日)岩岩出世同家下個樣真係好唔同..
好似出世果陣仲肥d...  June 13 打左針...o者哩仔已經係佢第二個月打左針啦..
仲要係2支添..
佢都幾乖.. 喊左一陣...
食口服既藥都冇唔食...
打完針果日仲冇乜摟計(因為日日都摟, 冇乜分別)
不過佢既食量真係驚人..
少到嚇人添.. 有時3個鐘都係食得2.5oz..
最多個次都係4.5oz.. 只係得一次添咋..
死未..
睇到人地既bb 塊面仔肥嘟嘟.. 佢塊面上鏡到呢..
唉..都冇計.. 佢係皇帝.. 由得佢囉... May 22 o者哩仔第一次睇醫生上星期六係o者哩仔第一次睇醫生..
因為成日聽到佢瞓覺果陣有聲..
唔知係咪氣管有事.. or 有啖..
又想問下醫生打針既野..
咁咪去睇醫生囉..
醫生話佢有鼻水a.. 唔係有啖..
俾左d 野佢滴..
不過醫生話因為佢太細個. .好多身體入面既野未發育好..
好多bb 仔都會係咁.. 唔太勁既話可以唔駛滴喎..
咁我冇滴呀... 希望佢大d 冇事啦..
o者哩仔呢次睇醫生等左好耐.. 佢一d 都冇喊..
見到醫生又係.. 好彩jar...
呢幾張係o者哩仔20 號影ga. 都幾update ga..
May 03 o者哩仔呢2日 o者哩仔日頭成日都唔瞓..
見佢對黑眼袋心都痛埋..
佢好醒瞓.. 一有少少sound 佢都紮醒...
佢瞓既鐘數同我真係差唔多...
下星期五佢就滿月啦..
咁快就一個月啦..希望到時磅左之後重得ok 啦..
好想佢快d 大a... April 30 好多擔心好擔心
因為我唔識抱而俾我整到o者哩仔手腳頸有事..
好擔心
好多時都唔知點解佢會喊..唔知係咪病病.. 好擔心
餵人奶果陣佢成日會'族' 親.. 見到佢咁慘.. 我好心痛..又怕佢有事.. 好擔心
怕自己掃唔夠風.. 令佢有事.. 好多個擔心... April 25 第14日啦唔經唔覺.. 小B 出左世已經14日啦..
佢既臍帶已經係第9日脫落o左啦...
今日都幫佢剪左手腳指甲.. 唔駛佢成日整傷自己...
已經帶左小B 去左健康院3次啦..
3 次都有磅重.. 家下餵人奶都好大壓力..
怕佢唔重.. 而且見到佢好似瘦o左咁..
成日都好擔心佢唔夠飽..
而且阿仔佢每次只係食o左10 零mins 就瞓..
要勁攪佢先再食多5 mins..
total 只係食左15+ mins.. 真係怕佢唔夠...
好彩3次去健康院磅阿仔都有重..
唔係都唔知點好...
好快小B 就滿月啦.. 又要去健康院打針..
希望到時磅果陣重得好好啦..
原來做人媽咪真係好多o野擔心............. April 17 BB在4月11日 出左世啦..B 仔已經係預產期果日(4月11日) 出左世啦..
雖然係開刀.. 不過都冇所謂啦.. 佢平安就得啦..
B仔出世果陣重3.725 kg.. 大頭仔呀...
遲d 再放多d 相上o黎先... March 30 等...咁大個女好怕等...
而且我又係一個好心急既人...
最怕係等巴士..因為路面上既突發情況會令巴士唔知幾時會到..
家下等小B 出世...
等既日子真係好漫長.. 好漫長..
我既人生將會因小B 而大大改變.... March 26 放假啦今日開始放假.. 第一樣要做既o野就係去剪髮啦...
天氣開始又熱又濕.. 而且仲有排唔可以剪..
今次剪到有咁短得咁短...
剪o左之後舒服哂...
跟住就要開始再check check 入院d o野齊未...
因為隨時生得o架啦..要check 清楚...
唔知係咪個肚大得濟..
肚臍位d 皮膚拉到好薄..
好多時都陰陰痛...
好怕會裂開..
家陣個個星期都要去政府同私家睇醫生..
上星期五，六分別睇o左政府同私家醫生..
佢地都話小B 未個頭仔雖然落左下面..
不過都未仲落到最低..
唔知會唔會過左預產期先生得呢..
私家醫生就幫我再check 過小B 既size.. 估計有2.9kg..
都唔算重.. 係小B 既肚仔好似好大個.. 頭仔size 都算normal..
佢仲話要有心理準備可能要開刀添...
 我梗係唔想啦..
希望可以順產啦.. March 20 勁眼瞓家下已經36 week 啦..
聽日就37 week 啦.. 醫生話都叫足月.. 隨時生得...
時間好似過得好快咁.. 咁快就生得啦..
又驚又緊張.. 呢2個星期開始勁眼瞓..
晚晚都十點到就瞓啦... 日頭有時好倦... 不過都ok 既..
呢一兩日開始feel 到個肚好大個.. 行路都唔可以好似以前咁快..
不過都好o架啦.. 咁遲先feel 到.. 而且對腳又唔係好腫...
都唔知好彩定唔好彩.. 本來上星期六o黎既賓賓竟然有左唔o黎得..
攪到我都唔知點好.. 再搵過新既賓賓最快都要六月頭先到..
我放假都係放到六月頭.. 家下可能放長少少.. 睇實個賓賓..
希望個賓賓可以早d 到啦...
Apr / May 賓賓唔係到....好多野都要老爺奶奶幫手..
真係怕有d 應付唔o黎..
不過都冇計.. 唯有睇下請鐘點幫下囉...
February 09 小B咁耐冇提小B.. 要講下佢啦..
如果唔係佢小氣嬲左我咁點算呀..
小B o既size 同我個肚既size 成正比..
我個肚大到呢... 一月頭已經有人問係咪月尾生得..
小B 一月果陣足足大左2個week...
仲要係政府check 到我血糖高..
要我入一日day ward 食佢provide o既餐之後抽血check 血糖..
好彩冇乜事.. 不過都要介糖, 甜 and要食得清淡d..
咁死啦.. 勁鐘意食朱古力既我要介口啦...
醫生話小B size 大可能係血糖高..
咁我食左一排清淡餐之後.. 家陣小B o既size 大少左..
over 1 week jar.. 好彩.. 唔會好大.. 因為太大怕好難生.. 要開刀就弊..
除左血糖高之外.. 醫生仲話我胎水多...
search 過internet 有d人話血糖高都會有影響胎水多..
又係食左一排清淡o野之後.. 家陣胎水又好似少左d..
唔知係咪心理作用啦...
不過都唔理啦.. 醫生話要小食多餐..
之前老公怕我食野食得少.. 小B唔吸收...
家下佢仲驚過我.. 成鬼日叫我唔好食咁多啦...
好彩仲有2個幾月..
如果唔係都唔知點算..
January 27 bye bye 喇~~尋日係 女麻 女麻 火葬既日子.. 我因為大肚..相沖. 唔去得...
只係去左食英雄飯..
其實件事都過左一排.. 大家都冇乜野...
最緊要係阿爸佢冇事就得喇...
因為見到阿 女麻 過左身之後佢個人傻傻下咁..
都幾怕佢有事...
希望佢因為攪完阿 女麻 o既o野會心情好d 啦..
希望所有唔好o既o野都唔好發生啦... January 13 女麻 女麻自 女麻 女麻 走左之後果日...
困擾左我成個幾月o既晚上樓上收音機噪音問題.. 竟然解決左..
令我覺得好似係 女麻 女麻 幫我咁..
到家陣仲係好冇用...
一想起 女麻 女麻 就鼻酸酸,流眼水開始浮出o黎...
真係好眼淺...
自從 女麻 女麻 呢件事之後.. 開始覺得老豆老o左很多..
可能受了打擊.. 加上之前要照顧 女麻 女麻 ..
又發覺老豆已經年紀唔細.. 數下數下都就到70歲喇..
以前辛辛苦苦用勞力一個人搵錢養大我地3兄妹..
家陣可以輕鬆d 過日子..
希望 女麻 女麻 走左之後, 兩老可以去下旅行..
希望兩老身體健健康康...
佢地仲要同d 孫仔玩o架嘛...
January 08 緣慳一面尋日小B o既太婆走左喇.. 與小B緣慳一面..
佢睡著靜悄悄咁走左.. 都唔知走左幾耐.. 只係知道尋日走o既..
晚上餵飯先發覺.. 佢已經走o左..
知道消息後即趕返舊屋,
到o左舊屋見到有幾個警察檢查緊佢..
等到d 警察走喇..
本來想見佢最後一面..
不過老豆叫我唔好睇..
等左好耐.. 先有黑車送走佢..
尋晚係阿妹打俾我講我知.. 收到電話之後呆一呆.. 都冇哭...
因為都知道呢件事一定會發生.. 係遲早既事...
不過想下想下又哭了..始終都係唔捨得...
係佢帶大我既.. 成日俾佢好惡咁話我..
都知道佢都係想我好.. 唔想我學壞..
女麻 女麻 再見喇.. January 01 好耐冇寫o野啦新既一年.. 祝大家開開心心...願意成真啦..
我就希望小B健健康康.. 開開心心...
都好耐冇update 過喇.. 賓賓已經搵左.. 未知幾時返得工
開始買左d BB o野 啦..
買左奶樽, 消毒煲and 奶咀等用品..
仲有買左2個好得意野既安心假奶咀...
不過衫仔,床仔就未買...
好彩BB 車唔駛買..
遲d 再睇下先....
睇下幾時會有BB 展再出擊先....
December 16 弊家伙... 唔見左...弊.. 我個肚臍唔見左呀..
以前個肚有d 肉果陣見到個肚臍凹左入去..
家陣個肚大左好多..肚臍已經平左..
肚臍上面仲有少少突出o黎添..
見到個肚咁大..
開始要買定d 小B既衫喇...
小B 真係唔好彩.. 佢冇得決定要邊件靚衫.. 要d 乜o野色既衫..
全部由我自己撰.. kekeke..
冇計啦.. 佢大d 先啦..hohoho... December 05 小B 好似返工咁..開始feel 到小B 成日郁.. 而且時間多數係上午.. 下午都有少許...
不過好似返工時間咁.. 上午8點幾至下午4點幾..
晚上佢daddy 想feel 下佢郁都幾難...
星期六, 日都好少..
原來佢仲好過我.. 番5日工咋...
上星期六去o左私家覆診.. 睇o左知道囝or 囡lu..
都係例牌唔講.. 等大家估下啦~~
醫生佢仲同小B影左好多相.. 問我地有冇usb 既memory stick..
好彩老公有番工.. 影o左既相都全部copy 哂..
唔駛自己scan.. 幾好...
December 02 好緊張~~今日就去睇醫生喇..
唔知睇唔睇到小B係仔定女呢..
不過知道我都唔會講俾大家聽o架喇..
都係有d 神秘感好d... 你地估下啦.. 不過一定要講俾老爺奶奶知.. 我阿爸阿媽都可以唔講添a..
|
|||||||||||||||||||||||||||
Send a private message
Subscribe to RSS feed
Tell a friend
Add to your network
|
|
