尋晚瞓得唔好... 發惡夢添a..

夢見自己唔知俾d 乜蟲入左個身體同skin 中間... 仲行黎行去添...

咁我叫人幫手整佢出o黎啦.. 點知'果隻野'係我個胸口俾人'齒'出o黎..

幾恐怖呀..好似睇緊恐怖片咁....

咁就嚇醒左啦...

今朝早刷完牙又嘔啦.. 不過今次嘔唔到野.. 嘔d 空氣出o黎...

嘔果陣全身除左手同腳都有d 痛~~

尋日放工返屋企果陣個胃都有d 唔舒服.. 嘔左舒服哂~~

尋日我將d 奶茶, 綠茶茶包俾d 同事, 佢都問我做乜俾佢地...

我話我唔飲.. 怕浪費.. 咪俾佢地飲囉..

佢地就問我係咪唔做啦.. 有人養..

我心諗.. 係有人要養.. 不過唔係我.. 係'佢'o者..

家陣點可以唔做丫.. 中左六合彩都要做呀~~

 

好開心...尋晚見到間Jusco $10 店開左啦..

即刻入去掃貨啦.. d Display box $10 咁平..

除左display box.. 仲有好多好正既日本野食..

仲有買左我老公最鐘意既麵豉湯..  keke..

呢間shop 好多野賣... 不過我地尋日只係行左一陣.. 冇行哂d 地方..

因為目標為本.. 買左display box 就走lu...

而且咁近.. 一定會成日行o架啦..

諗到都開心呀~~

今朝去左龜池將星期日食唔哂既麵包俾d 龜仔食...

原來龜池仲有d 好細條o既魚仔.. 我撕開d 麵包放落去果陣, d 龜仔(都唔係龜仔啦.. 都好大隻o架啦) 未識得有o野食..

我只係見到d 麵包浮下沉下, 仲慢慢唔見左.. 先知原來有好細條o既魚仔食緊d 麵包...

跟住d 龜仔知有o野食.. 蜂擁而上.. 仲要係龜疊龜添... 都幾得人驚..

好快d 麵包冇哂lu..

唔知呢d 算唔算胎教呢?

希望第日阿b 心地善良, 正正常常啦~~

今朝又嘔啦.. 好辛苦.. 個胃冇野黃膽水都嘔埋出o黎..

唔知係咪食錯左d 乜野攪到會嘔呢.. 平時都冇既..

唔好迫我食野啦.. 我食到既會食o架啦.. 我都想佢好o架嘛...

食得多得濟乜都嘔返出o黎咪仲辛苦~~

呢幾日個胃都冇乜事.. 係食得飽得濟..唔係幾舒服者..

我老公食鬼日叫我食野.. 我食到至得o架..

到家陣我都係食唔到一個人份量既野..

因為我一直都係食開1/2 or 1/4.. 家陣可以食到3/4 我覺得已經叫做多左...

仲有舊同事問我係咪有左添.. 食咁多野..

16 Sep 會去睇第2次醫生.. 不過果日咁岩有個同事結婚呀..

可能上午唔去觀禮.. 晚上去飲囉...

收到個同事既"紅色炸彈"果陣都好鬼突然..

因為我都唔知佢有冇拍拖.. haha..

係呢到恭喜我同事百頭到老, 永結同心啦..

同埋希望果d 拍o左拖好耐 / 同o左居 好耐既 同事/朋友 快d 結婚啦.. 2個人生活唔easy ga.. 要好好珍惜....

 

幾時先可以游水a.. 仲要等多5個星期... 等好耐呀..

到時十月游泳池都closed la...

 尋晚返到去好眼瞓.. 唔知會唔會呢個月都咁眼瞓呢?

今早磅果陣... 重左2磅呀....

老公叫我食多d 野.. 不過有時冇胃口.. 乜都唔想食..

尋日下午四點幾果陣肚餓喎.. 食左個瑞士卷, 有同事問我係咪冇食飯..

hehe.. 我話肚餓囉... :P   咁食法.. 唔重就奇啦..

今日雖然仲有d反胃既feeling.. 希望我可能唔諗令佢唔見左啦...

放左3日假.. 真係幾開心... keke.. 不過可能以後冇咁悠閒o架啦.. 多左佢嘛..

今日睇左醫生啦.. 醫生話佢冇事...

岩岩成長緊... 好細粒... 1cm 都冇..

身體都ok.. 不過唔知係咪食多左肉既關係.. 見到d 肉都有d 驚驚....

有冇興趣睇下佢個樣呢??

尋晚都冇嘔.. 只未食野果陣就好餓, 食左野之後個胃又唔舒服...

今朝都冇嘔啦.. 好彩者.. 都係唔好食咁飽啦.. 

呢個星期六第一次去睇醫生.. 自從七號知道左之後, 第一次正式去睇婦科..

好擔心又期待.. 怕佢有d 唔知既野.. 又好想睇下見唔見到佢..

keke.. 聽日請左假.. 可以瞓多d 啦.. 好開心.. 

今朝起身刷牙果陣好想嘔...

返到公司只係飲左小小水者.. 過一陣就即嘔.. 好彩未食早餐者.. 如果唔係 side 哂..

d 人話有左頭3個月會嘔.. 我仲暗地裡話好彩者.. 點知原來都要嘔...  :O~~

不過唔知係咪因為食錯野而嘔呢? 因為尋晚食飯既地方係第一次去o家jar..

希望係食錯野啦.. 如果唔係仲有6個星期有排我嘔...