上星期六去醫院睇小 B既結構.. 點知小B 好跩..

成日唔俾醫生睇佢個鼻骨..

本來睇九點既我攪到十二點先睇完..

俾醫生足足照左3次先睇到..

小B真係跩..

 

 

尋日係同老公結婚三週年既紀念日..

上兩年因為老公要返學.. 正日都冇特別慶祝就過左lu..

都係之前一日出街食飯..

 

今年終於可以正日出去食飯啦..

而且今年係最後一年過二人世界喇..

下年會帶埋小B去食飯..

touch wood 到時唔知會唔會大家面黑黑, 小B 又好百厭咁三個人一齊去食飯呢..

 

今年好想買d 特別既禮物俾老公..

不過諗泥諗去都唔知買乜好..

又怕佢話我o徒錢...

最後都冇買到..

下次見到有o野岩佢先買番囉..

而且將來都要為左小B 去shopping o架啦..

 

呢排有時會feel到個肚有d movement..

不過又唔sure 係咪小B 郁..

下次見醫生問下先..

 

見到身邊既人去旅行... 自己又好想去..

最想去當然又係日本啦...

不過都冇法.. 唔想o徒錢...

又唔知小B 會唔會有咩事..

唯有睇下d 雜誌當去o左啦..

 

 

第一次有人讓位俾我啦...

星期一晚放左工去TST.. 搭地鐵o係金鐘轉車果陣.. 有個太太讓位俾我..

但由於我都就落車.. 冇坐到..

都係搭地鐵 d 人好d.. 搭左咁耐火車一d 都冇發生過呢d 事..

 

 尋晚去左聽講座...

係時間要聽啦.. 如果唔係個肚大d 行動唔係好方便..

個講座都冇乜特別, 介紹BB 出世既方法同BB 出世之後既營養..

都叫做有d 收穫咁啦..

 

 

呢排都冇寫o野.. 因為近排好眼瞓.. 

夜晚又瞓得唔好.. 個人成日都好倦...

都冇野想講..

而且都冇再嘔.. 雖然都有試過一次返到公司食完早餐就嘔..

之後都冇事lu...

 

今日係老公畢業典禮既大日子..

加上星期三開始作病.. 勁流鼻水..

所以今日請左假..上午睇醫生..

下午就去老公既畢業典禮喇..

等左2年.. 終於都畢業喇..

以後既結婚紀念日佢都可以陪我同我食飯喇..

唔駛再返學...

不過將來又多左個人陪我o地食飯lu...

 

好快好快咁到左week 18 喇..

個肚又大左好多...唔知係咪成日'形'住.. 所以呢排都瞓得唔好..

希望可以習慣左.. 瞓得好d 啦...