早排聽老細講11月可能會返5 日工..

不過家陣都未有消息.. 我估都係要等多個月喇..

好想早d 可以返5日工呀..

返5日舒服d.... 睇醫生都方便d..

 

好緊張呀.. 聽日就睇醫生喇..

尋晚向右打側o左個人瞓..

今朝起身發覺個肚成個shift o左去右邊..

個肚一邊大一邊細.. 都幾攪笑..

過o左一陣又冇o野啦..

回復返正常..

今早磅完.. 發覺重左4磅喇...

岩岩今日係第16week..

咁快就四個月啦..

 

由於家陣佢唔俾我收衫同曬衫既關係..

呢d 粗重工夫由佢一手包辦.. (keke.. 真係好啦.. 係時間佢做番阿四啦..)

由我大肚開始.. 佢已經係收衫既過程入面收左3 隻曱甴返o黎啦..

真係慘.. 都唔知點解老公咁鬼旺d 小動物既..

尋晚就係第3 隻曱甴啦.. 之前果2隻都係d 細隻既曱甴..

都可以好快處理o左佢...

尋既果隻大到嚇死人(其實都係正常既曱甴.. 不過冇想過會係收衫果陣走入o黎..)

由於本人手腳慢既關係.. 俾佢走左去廚房唔知邊到..

死啦.. 我地2個都好驚o架嘛...

又怕佢走出去房同廳喎..

唯有close 左個廚房門啦.. 呢度門入伙咁耐都未close 過..

原來關左度門個廚房又幾靚o架喎..

今晚要買來來曱甴屋捉左佢先..

如果唔係一d 都唔心安...

成日會覺得佢仲係度咁...

雖然尋晚有d 反胃... 我估我開始唔嘔啦.. 真係好啦.. 啦啦啦~~

不過老公就病左幾日啦..

希望好快d 好番啦..

 

我既反胃感覺都係會在晚上先發生... 好彩者..

唯有日頭食多d 囉..

 

呢個星期去睇醫生啦..

好緊張.. 有成個月冇見阿B 啦.. 唔知佢有冇大到呢..

我個肚就大左好多..

希望阿B 快高長大啦~~

今日又係好日子..

有個好玩得又好鬼好人既中學同學今日結婚啦~~

祝佢地百頭到老,  永結同心...

星期二晚上左去舊同學屋企探BB...

個BB出左世2個月.. 好得意.. 面仔肥嘟嘟... 激似小新..

上左去睇左一陣就走啦.. 見到BB好開心..

希望自己果個快d 出世..

 

尋日返工搭火車去到大學果陣突然好唔舒服..

又係好眼瞓同好倦..仲有d 想暈添.. 不過就未有想嘔..

好彩有地方可以'哎'住.. 冇咁辛苦..

不過全程都冇位坐.. 唔舒服果陣都幾辛苦..

 

 

上星期五晚返到屋企發覺internet 同家居電話都用唔到..

真係激死.. 攪到六日都冇得上internet.. 悶死...

仲要打去和記度俾佢地激死...

星期五晚打去話有事.. 都要星期一先有人整..

我好醒咁打左去屋苑既管事部問過..

佢地話和記有人係星期五去過機樓做野..

有冇攪錯.. 和記d 人真係.. 冇乜埋由整第2個單位既電話 /寬頻會攪埋我呢個單位??

真係俾佢激死...  

 

上星期五晚同老公去沙田睇d BB o野..

尋晚終於早瞓左.. 十點幾就瞓啦..

原因係尋晚食完飯之後d 就嘔..

乜都嘔哂出o黎.. 唔想再食o野就唯有用呢個瞓覺充飢法喇...

攪到要食個大通粉做早餐補番...

 

老公問我點解返親屋企都苦口苦面..

唉..我都唔想.. 鬼叫個胃唔爭氣咩...

d 人又話3個月後唔嘔既.. 點解我家陣week 14 都仲嘔既..

真係好鬼羨慕d 唔嘔既大肚婆..

 

呢幾晚都成日發夢.. 瞓得唔好..

唔知點解呢.. 希望以後瞓好d 啦...

 

呢幾日個小腹都有d 痛.. 之前問過醫生佢話係正常既..

開始覺得成日都唔夠瞓..

要再早d 瞓先得喇~~

 

唔知幾時要聽產前講座o既呢..

搵到web 上面有d web 既 產前講座..

幾有用o架.. 等我再搵下d 先~~

尋日又聽到有朋友十一月結婚啦... 好開心a..

呢個朋友好耐冇見o架啦..

讀U 果陣識既..希望可以去飲啦~~

仲可以見下好耐冇見既其他 讀U 朋友添...

今年真係好年.. 咁多人結婚..

希望我識既情侶都開d 拉埋天窗啦~~

由其是拍左十幾年拖果d 呀!!

呢幾日夜晚個胃都會唔舒服..

今朝洗完頭之後又嘔喇..

好彩個胃冇o野, 只係嘔d 黃色既野出o黎..

嘔左舒服哂...

 

平時搭巴士或火車有位坐我一定瞓到o既..

不過呢個幾月就點都瞓唔到.. 除o左上次係火車嘔完之後可以瞓到之外...

瞓唔到唔係因為夠瞓喎.. 都唔知點解..

希望可以瞓多d 啦..

 

今朝又再磅過.. 好左啦.. 有重到.. 都係比知道有左果陣重左2磅..

個肚都開始大喇...家陣晚晚都有擦肚紋膏.. 唔想生見之後有紋唔靚嘛...

 

 

今日好開心收到中學同學o既請帖...

希望未來朱太開開心心啦~~

 

呢幾日已經好左好多.. 少左唔舒服..

一時時有反胃既感覺... 不過好多好多啦..

冇嘔嘛..

 

尋日去bbq之前.. 去左天水圍既濕地公園...

估唔到都幾多野睇..

可惜只得2個鐘行..我估都值得再去既..

下次可以上午出發..

我地一行7日下午3點幾入去濕地公園都已經十分多人..

下次去濕地公園可能要搵平日啦.. 小d 人嘛..

 

我地去完濕地公園，就去左天水圍千業bbq啦..

果度話就話$60 蚊一位任食.. 好似幾抵咁..

不過一d 水都唔包，tissue 都要自己俾錢賣..

一個bbq爐都係得一包炭.. 如果加炭既話又要俾錢..

真係唔抵..下次都唔會再去啦..

西貢or 其他地方大把任食, 任飯啦.. 雖然會貴d..

不過我估都唔會tissue and 炭都要收錢囉..

 

 

今日會同老公d 同學去天水圍bbq..

希望唔好咁熱啦..

 

尋日起身開電腦...發覺boot 唔到.. 又認到個harddisk..

唔知個c drive 有乜事..  見到見唔到..

好彩d data 放左係d and e drive..

不過要install 過window.. 都幾煩...

最慘係執野果陣delete 左之前ghost 既image..

d setting 乜都冇哂...

打返工個電話, login name and password 都冇哂...

唯有用token 啦.. 又方便又快.. kkee..

咁個modem 都可以收得啦..

夜間去左睇戲.. 奶奶request 既.. 去睇BB 計劃..

都幾好笑.. 幾好睇..

不過坐得辛苦d 者..

 

話說星期五下午請左假去PWH做OSCAR..

見到BB 又大左好多啦..

上次9月16號照過都係得3.69cm..

9月29號再照已經加碼到6.43cm 啦..

快d 大啦...

雖然唔係好睇得明d figure..不過醫生話都係低危..

咁就安心哂~~

不過都會再拎俾睇開o果個私家醫生再問下佢既意見..

 

BB 快d 大啦~~